因為連三日假
再加埋自己個PRESENT完左
所以決定離開香港
有諗過台北，但係財力有限之下最尾決定同阿媽玩下兩天團
經過一波三折之下，結果就去左呢個兩天團
一早出發去到深圳灣匯合
上到車先知原來我地呢團係首發團
味力之旅係第一次搞呢條線
都唔知好彩定唔彩……
第一站去到所謂的中國歷史文化名鎮＜沙灣古鎮＞
講真……個古鎮真係聞唔到又乜古味……
好似全部翻新過咁，都無乜好行……
（沙灣另一景）
其實無乜好行，結果響個度食左碗姜汁撞奶就走
（好濃姜味，不錯）
之後就去食晏
係園林禦膳宴，味道不錯
事後才覺得最好味是這一餐（但導遊說這餐是最平的＞＜）
吃完飯，就去左華蓋步行街
基本上見香港版子仲多過大陸裨子
無乜好行
好彩搵到間書局，響入面買左簡體版的＜豐臣公主＞、＜草莓之夜＞及＜那些年一起追的女孩＞
算係有啲收穫吧
食完第一封圖，個團包個碗雙皮奶之後
就返酒店了，先至係三點半……
間酒店房靚就好靚，但標榜有ＷＩＦＩ但搵極都搵唔到Ｏ既……
結果只能靠機入面的影片解悶
五點半再出發去食晚飯
這次去食馬姐私房菜……除左個蛋撻
全部味道一般，賣點之一個鮑魚無味的
同埋我第一次見成條茄子咁擺上枱，可能係我見識少吧……
食完呢餐……又搖成個鐘頭車返酒店，感覺有點無謂
由於安全考慮，都係躲在酒店沒外出
結果就係破天荒十一點便睡覺
睡足十一時小時到十點才起床預備出發
連酒店的早餐也懶得去吃……
第二天的行程是去樹生橋風景區
睇一條由樹枝生成的橋
算係比較特別的景點
午餐係本團賣點：四人抬魚
一條大魚伴好多餸
望落其實算吸引
但食落其實……除左條魚好味之外
有乜特別呢？？？？？？？
而且張單上面寫住Ｏ既老火湯都無埋
得粟米羮……想點？
最後就去天佑城百貨公司行
主力行的是超市
買的是雜貨ＸＤ
之後就無野行了……
六點就返到香港
好怪的感覺
呢個團，應該係去ＨＥＡ吧
ＨＥＡ得黎其實幾無聊
無乜野睇之餘野食又唔叫特別好食？
或者我下次應該揀啲出晒名Ｏ既團，好似黃媽媽個堆黎試？
留言列表
