（用手機攝於於到上阿里山途中)
去左台灣環島差唔多成一個月（８／１１至１２／１１去o架……)
到左今時今日先"的"起心肝寫番份自我陶醉o既紀錄
因為……實在去過台灣太多次
都唔知寫乜好
今次因為想去阿里山
所以係跟團去
跟o既，係縱橫遊環島五天團
由於真係無乜可以寫
所以一篇搞掂五日佢算
第一天：高雄…西子灣…打狗領事館…愛河…夢時代購物商場
響高雄機場落機，
即刻feel到同台北不同，個機場好細，又唔夠現代化
唔係一個城市機場
打狗領事館，英式建築物一幢
愛河，請想像為沙田城門河，我諗夜晚去會好少少
夢時代，大型商場，去個度都係買書買美麗日記買ｄｏｎｕｔ食
第二天：日月潭…九族文化村…花園夜市
落雨
落到好似打風咁，你話我睇o的乜？
一個矇查查ｏ既湖……一個無得玩ｏ既遊樂場
同埋一個露天夜市，要落雨行
乜心情都無啦
夜市到，唯一值得一提，就係個扒餐囉
熱辣辣，係凍冰冰ｏ既我最佳選擇
今晚住個間酒店有露天溫泉
無奈我生理期到無得浸
結果浸木桶，好過無啦
第三天：阿里山…逢甲夜市
本來係尋日ｏ既行程，因為壞車而改為今日去
亦都好彩係今日去，因為終於停雨啦
係我咁大個女第一次去咁高ｏ既山
好凍，但係睇到自然環境，再加埋雲海
真係好靚
搭埋小火車，算係睇晒阿里山要睇ｏ既野啦
逢甲夜市，夜市一個，食ｏ既都係差唔多
新野係炒麵麵包，雖然等好耐，但係好食
第四日：九份…士林夜市
搭成幾粒鐘車返台北
途中去一間不是我指定的太陽餅店買手信（有幾好食可以想像）
終於到了熟悉的台北……熟悉的九份
影ｏ既相……無，買ｏ既野……一堆
例牌買花生糖買李儀食牛肉麵食芋圓食魚丸
大包小包咁攞落山
因為知道無乜自由時間
所以趁去士林夜市衝左去書局街買書
用兩個鐘頭掃六本書再打的返夜士買炸雞排返酒店食
然後不斷反問自己……點解要跟團呢？？？
住個間酒店遠在淡水
有個按摩浴池
但係因為領隊指導不清，
做成阿媽俾大量水噴濕變落湯雞ｏ既慘劇
之後我仲要同佢一切抹浴室
結果梗係唔洗浸啦
第五天：故宮博物館…紅珊瑚博物館…信義商圈
台北是我的地盤，但無奈下要跟團
結果，又去故宮探我見過兩次ｏ既白菜同豬肉……
之後焗去埋ｓｅｌｌ野的紅珊瑚，
阿媽買條晶石鍊後
終於自由啦，在信義商圈行
當然，我又走左去第二度
今次去光華，一個新裝修ｏ既商場
外表卻像一間學校
買到我要ｏ既兩套日劇
買唔到細佬要ｏ既柯南ｄｖｄ，結果求其買左套真人版俾佢頂住先
最後，搭飛機返香港
後感
跟縱橫遊，食住不差
導遊是當地台灣人，對台灣熟悉
但就是不太懂廣東話，對於不太懂國語的人來說可能較不便
另一方面就是不太ｈｅｌｐｆｕｌ
很多團友想買手信，好似老天祿、阿明師等等
佢地安排唔到，兼介紹左另一間
但係對於好多想買番個隻牌子ｏ既人黎講（包括我在內）
都有ｏ的不便
總括都係麻麻地啦
連阿里山同日月潭都去埋
唔洗再跟團去台灣啦掛？
留言列表
