宅女日記

上面隻野
係我響台灣唯一去唔到ｏ既行程－－動物園
因為太多人，睇唔到熊貓
響動物園個門口買番黎，聊勝於無ｏ既紀念品
識得行叫播生日歌ｏ架～（好無聊……）

今次係第九次去台北（２月７日至２月９日）
因為電視，所以除左書展
就變左做蘇施黃美食之旅
食蘇施黃介紹ｏ既野食
雖然試左一部分，但係都講下啦

基本上食左／試過有呢ｏ的

明月湯包
牛肉麵／牛肉乾
豬肉片
鳳梨酥

第一樣係台北試ｏ既係：洪師父牛肉麵

（電視畫面）

即係阿蘇話牛肉乾軟到老左都咬得開個間野
雖然阿蘇話佢ｏ的牛肉麵麻麻
但個人覺得幾好食
佢有紅燒同埋清燉
個人喜歡清燉多一點
因為紅燒味道太濃，肉又大舊
反倒是清燉薄薄一片
又林又好食

講返牛肉乾，我諗經過蘇施黃介紹之後
更加多香港人識啦
我邊食麵，每五分鐘就有一個香港人黎買
我都買左，真係幾好食
夠林，不過有一ｏ的位都係要趙
睇得出係真係"牛"肉乾囉

地址：台北東區地下街35店鋪（第七廣場旁）（忠孝敦化站明曜百貨出口）

食完之後去左書展
大掃左一輪就去左度小月食晚飯
試左一小舊烏魚子（阿蘇曾經響節目到大讚過）
個人覺得係食魚春個種感覺
但唔會覺得好好食囉……

之後個兩日，繼續都係食食食食食……