宅女日記

最後一日行程
臨尾響酒店房再影多一張日景就出發
今次酒店個早餐好好食
同雲頂個個係天淵之別囉

last一日行程
第一站去o既係魚尾獅個度
今次係真正o既魚尾獅啦，有得噴水個隻

之後，就去牛車水行下博物館同埋街
博物館依然都係咁黑，難道這就是新加坡博物館特色？
響牛車水買左一大堆手信
就去食晏

今次係自由活動，可以揀食乜都得
我地揀左一間標榜沒味精沒奶油ｏ既喇沙舖
又幾好食喎
個度個老闆仲好健談，同我地講左好多野
仲介紹我地去食阿龍炒貴刁
可惜個肚飽晒，食唔落ｌｕ

去到ｏ的度，個荷包已經無晒坡紙
之後去個個ｉｏｎ　ｃｉｔｙ，都係行下
無乜好睇
行完，就搭番星航返香港

再一次覺得，星加坡機場得個大字
toilet隔好遠先有一個
閘口又要行鬼咁遠
兼且想買野食又要行返轉頭……
愈去得多地方，愈覺得香港個機場真係好正

今次返香港，短短三粒鐘都遇到幾次氣流
有一次仲搖得幾犀利
我仲響度寫緊封感謝信嘛
所以寫得ｏ的字好核突……兼且寫到手軟
原來慣左打字再寫返字真係好辛苦

返到香港都接近十一點
叫老豆接機，返到屋企，十二點都黎
嗱嗱臨上床瞓囉

今次旅程
總括黎講都算滿意同埋幾開心
不過主因都係馬來西亞導遊同埋領隊
佢地真係唔錯

我個人鐘意馬來西亞多ｏ的
我唔知導遊講ｏ既係咪真
但，我幾鐘意馬來西亞人活在當下ｏ既生活態度
可能做野會慢ｏ的，無咁有效率同埋無咁有錢
不過，生活會過得開心ｏ的同埋無咁大壓力嘛^^

有機會或者會再去馬來西亞
至於同香港差唔多o既新加坡就真係興趣不大
就算佢有環球影城我都係無興趣去

今次最特別收穫就係
我本護照有一頁已經印滿左
仲要啱啱好係星馬泰
（雖然泰國係兩年前ｏ既事）

下次旅行應該係台北（第十二次囉）
或者，會落一落台中
主要都係因為台北書展
又係時候抬一篋書返黎啦