宅女日記

第四日，一早起身，就為左去新加坡
搭左三個鐘頭車，到新加坡關口
同pin pong作最後道別
亦都好彩有領隊阿邦幫手拎行李
唔係實死梗

不過，新加坡海關個度團友都發生左一件意外
好彩最後算無乜大礙……只不過係麻煩少少，
不幸中之大幸

因為意外，所領隊無隨行
結果就由當地導遊帶我地遊新加坡啦
……
可能珠玉在前
所以，我好唔慣這位導遊講野ｏ既方式
成日都有尾音：呵？，即想你認同個個"呵"，唔係笑個音
聽得多，就唔係好想聽佢講野，我知我係衰人黎

因為去到新加坡已經係晏畫，所以第一個行程係去食晏
海南雞飯……枉我仲咁期待
結果不外如是
我覺得香港個ｏ的好味ｏ的……或者，我應該搵間名店去食？
可能自由行先有機會ｌｕ

之後，去聖淘沙島
見到起緊ｏ既環球影城同賭場
目測同香港迪士尼差唔多大……
我諗我都係無乜興趣去
另外，就去個博物館……
靠自己睇新加坡歷史
感覺到香港差不多，兼且個度燈光唔多
黑漆漆咁，其實唔係咁好睇
最後，就去一見隻ａ貨魚尾獅
（即巨型魚尾獅象）
分別係佢大o的
同埋佢無水噴出黎

見完隻大魚尾獅，就搭單軌鐵路去vivo city shopping
因為無準備過，所以根本唔知買乜
而且個度完全係一個港式商場咁，所以都無乜好行
唯有去food court食野
個度正囉，食左好彈牙ｏ既魚蛋，另外仲食埋揦沙、炸菜餅、小紅店ｏ既餡餅
飲埋杯豆漿
咁就捱到五點半，去吃晚飯是也
因為前面食個堆野仲未消化完，
再加埋餐飯（黑胡椒蟹、麥片蝦）都唔係咁好食
所以…都無乜點食

本來可以夜遊新加坡河
但因為落雨，再加埋導遊擔心安全（一個睇三十一個都咪話唔驚）
所以取消左
早早返到酒店
今次係東方文華酒店
一入房，己經俾個view吸引到
因為對正個摩天輪

好靚好靚好靚……
間房亦都好靚，又好大
仲要送埋兩個生果俾我食，好好味
正～
結果成日行程，最滿意係間房，嘻