一朝早響雲頂酒店食早餐
因為實在太多人，都攞唔到乜野食
可能導遊pin pong都體會到我地唔飽ｏ既ｍｏｏｄ
所以放左我地落大排檔，仲請我地飲拉茶同埋食薄餅
另外仲介紹我地食多條炸魚，全部都好好味
多謝佢ｏ既介紹囉
食完個早餐
咁就展開行程啦
第一站係品利土產中心
呢度又係我流血不止ｏ既地方
因為……燕窩
我知自己過左２５歲就會骨膠原流失
所以係時候要食番ｏ的燕窩補補佢
再加埋其他手信，結果買左成４０００蚊馬幣（即差不多８０００港紙）
不過可以食到半年以上，再加埋益埋我屋企人……算啦
午餐，面包雞
外表特別，食落普通ｏ既一味餸
（舊面包入面係有斬左件ｏ既雞）
食完午餐行錫器中心，因為太貴所以一樣野都買唔落
之後，就搭兩個鐘頭車去馬六甲
馬六甲第一站係蝴蝶公園
其實唔單止得蝴蝶
仲有其他動物睇，例如四不像
（可惜隻四不像死都唔肯正面望我……）
行完有水果餐加娘惹糕食
我幾鐘意娘惹糕，唔太甜
可惜帶唔到返香港（因為新鮮好易壞）
響度，我食娘惹糕，周圍ｏ的蚊就食我
俾佢地針左五針，就離開呢個公園往下一個行程－－娘惹屋
娘惹，即係馬來西亞同華人ｏ既混血
佢地有自己獨特ｏ既文化
另外，因為佢地住河邊（ｏｒ 海邊？）
為左避免水浸而成日搬屋，係成間屋咁搬
所以佢地ｏ的屋都有ｏ的特式
參觀完之後，搭車遠望埋個三保井
就到搭三輪車
其實三輪車同我響北京坐個ｏ的無乜分別
只不過係多左ｏ的花咁囉
同埋個司機都踩得幾快（因為就黎落雨？）
三輪車ｏ既目的地係紅教堂（即馬六甲山、聖芳濟堂個頭）
都係影下到此一遊ｏ既相
掃完，吃晚飯
海鮮餐，唔算太好味
最好食都係個珍多冰甜品
因為知道之後有宵夜，所以唔會食咁飽
所謂宵夜，就係去夜市
因為訂左燒魔鬼魚同埋雞翼
我自己再加埋沙爹串燒啦、油炸鬼啦呢ｏ的
全部都好好食
之後返埋酒店，又係RENAISANCE
又係要俾錢上網
所以悶悶地，走左落街買導遊推薦ｏ既炒貴刁
真係……好好味丫，有豬油渣同埋獅蚶……正到死
食完宵夜，要早早瞓覺
因為第二日就會去新加坡，morning call係0545
同我返ａ起身個時間差唔多……
留言列表
