宅女日記

近排響j2度見到個一段片
唔係一個廣告，好似係叫愛搞作ｏ既短片
入面有歐陽靖響度講野
佢講個啲野，我個人覺得都幾有point
所以想寫返低個感想……

（以下內文全屬私人事可能其他人都睇唔明啦）

詳細佢講乜我都唔係好記得
我淨係記得佢講美國總統選舉
佢話，選舉呢樣野
都係揀俾人打你一巴，定係踢你一腳
即係你選ｏ既人，未必全部野都啱你心水
但係你都有義務去揀一個你感覺比較好ｏ既人幫你表達心聲

聽到呢度，再諗返今日食飯同人傾過ｏ既野
唔……或者，我都要考慮俾人打定係俾人踢
原因，係新ward會開，咁我應該揀跟邊位上頭呢？
又或者，揀邊類型ｏ既ward黎做呢？
呢啲，可能需要考慮
當然，有可能都唔俾我揀直接塞左去某一處就算
不過做定心理準備，總好過到時個腦一團亂揀錯路

另外，都諗到人事問題
我知道其實每處地方都有是非
有人o既地方就無可能避免呢樣野
我o既態度係逃避現實型，
即係唔好俾我聽到就當唔知
就算俾我知道我都盡量扮唔知
而對人，我盡量寛容，做自己野，
但係就最好唔好煩我囉
我知道咁樣唔係最好，不過呢個係我明哲保身的方法
因為前居可鑑嘛，我前面又咁多人出事囉
裝傻的人會生存得比較久的

當然，以上係我自己ｏ既私人感覺
睇到ｏ既人可以唔認同
但係，個人覺得生活態度就係自己覺得舒服就可以囉
只要唔影響他人，就唔洗理其他人點睇囉