宅女日記

（今日書展ｏ既收穫）

因為要就埋細佬返工
所以，同以往幾年唔同
唔係第一日去書展，而係第三日（23/7）ｏ既夜晚等細佬收工個陣先去行
但係一開始去書展個陣，已經塞車塞到我想死

始終唔係港島人
對呢種塞車生活真係好唔慣
本來一個鐘車程變左個半鐘先去到
我真係……接受唔到囉

不過，最後總算順利入到去書展
亦都無想像咁多人，至少可以俾我睇下ｏ的書咁

之但係，因為開始行已經係八點
再加埋我細佬係未食飯個挺
所以，都無乜心機去打書釘揀書

結果，今年買ｏ的書全部都係熟口熟面ｏ既作者
例如：林詠琛、區樂民、雲海、馬仔、東野圭吾……
無乜驚喜呢，唯一一個新作者係內地作家韓寒
另外，有一樣野同往年唔同
係我買ｏ既言情小說急劇減
我淨係響新月掃左一堆書……
始終……言小對我ｏ既吸引力愈黎愈少啦
已經過左個個唔理好醜都睇ｏ既年代
兼且依家娛樂愈黎愈多……真係好少再睇言小……

行左兩粒半鐘書展，返到屋企成十二點……
好攰……下次有機會，都係想日抖去行書展會好少少
始終有時間可以慢慢回復元氣
同埋有心機去揀書ｏ的……