close
我諗，因為近期ｊ２個爆笑廣告
全香港都知道美少女戰士將會響８月１３曰ｊ２重播吧……
因為重播，都勾起我唔少童年回憶呢
呢套野，係我由小學四年級（或者五年級？）個陣開始睇
個時極度迷戀，儲閃卡啦、背晒佢地ｏ的招式名啦
又用有限ｏ既零用錢去買佢ｏ既精品啦
初初集集追，但上到中學，到左ｓｓ同埋ｓｔａｒ個季
就愈黎愈無心機追，因為集集模式都差唔多
結果，我最尾，淨係睇埋ｓｔａｒ個集結局就算
至於ｓｔａｒ講乜……我完全唔記得
美少女戰士本身係漫畫改編ｏ既動畫
講真，我個人係鐘意漫畫劇情多過動畫
始終結局完滿ｏ的
而動畫劇情，未到大結局就集集都差唔多
所以個人唔係咁鐘意
但係見到ｊ２日播夜播個爆笑廣告，又真係有少少心郁想追
或者會錄左先，得閒再追
講開又講，美少女戰士入面有一首插曲我係好鐘意
為左佢，仲特登買左隻原聲碟聽
呢隻歌，我之前寫ｏ既ｂｌｏｇ都有提過
呢首就係タキシード.ミラージュ（燕尾服的幻影）
美少女戰士Ｓ的插曲
又擺上黎懷念下先
全站熱搜
留言列表
