close
30號返完夜
瞓夠一覺之後，就出左去中大攞個學生証
其實由1／8開始已經有得囉
但係因為唔知點解呢個月啲更期非常密
所以都抽唔到時間出去
要等到月尾先攞到張証
攞左張卡，先至真正有實感自己將會係碩士生
兼且要響大到無倫O既中大讀書
有少少怯，但依家唯有頂硬上
希望呢兩年可以順利讀完呢個課程啦
去開中大，一定會去埋沙田
今次就響沙田到大出血
因為個銀包爛左
所以今次狠下心腸，響coach度買左一個銀包
成2千幾蚊……但係應該可以用好耐
間隔又夠多，個色又夠sharp
所以我好鐘意囉
另外，去沙田，我實會去一處地方
就係護膚品店－－clinque
呢個品牌我用左好耐lu，係我第一個用ｏ既中價護膚品牌
其實一早用完佢啲野好耐
但係就拖到今時今日先去買
結果，洗左四位數字去買護膚品
呢度，應該係我三個月ｏ既用量黎
因為響沙田出血過度
所以啦，今個月我應該繼續不買衫政策了
況且，我諗我開始無乜時間去行街掛？（又讀書又返工……）
希望之後可以順利慳錢去大阪睇ｃｏｎ吧……
全站熱搜
留言列表
