今日行左大半日街
又屯門,出左去尖咀
之後又去番深水埗
點解會咁呢?咪因為我想一次出街買晒全部想買同想試o既野

PicturePicture第一站係屯門,我住個區
因為張敬軒響度有簽名會
而我又有一張簽名卷,所以...
就走去搵佢簽名
好好彩,我拜之前颱風所賜
所以早十五分鐘走黎補水
所以趕得切去簽名,並且順利握埋手
(張敬軒係有求必應個堆,fans叫佢切燒豬都肯)
其實張敬軒都算ok斯文靚仔
但係唔知點解響電視見到佢個樣梗係覺得有o的怪

之後,因為想買網上大好評o既九龍酒店酥皮奶皇月餅
特登走左出去尖沙咀
不過o的月餅真係幾細粒
細粒個棋子餅,一盒有八個
我諗兩啖已經食晒一個
依家未食住,都食左先share好唔好食

因為九龍酒店附近有一間西武
而西武呢有一間近期我鐘意o既手袋品牌pelle borsa專門店
貪佢o的款靚又無乜人識,唔似gucci、lv咁成日撞袋
所以又走鬼左落佢睇
有睇啱,不過佢一個袋大嗱嗱成五千蚊上落
加埋近期已經買左個-------->Picture
都係等十一月佢送左coupon黎先算

好勒,去完尖沙咀
時間已經接近五點
響老媽子o既提議下
去左深水埗石屋食日本野
之前俾佢o的fd讚到天上有地下無
但我覺得普普通通,一番好似仲好食o的
唯一推介o既係天婦羅軟殼蟹囉....

臨走仲買埋坤記白糖糕,我等緊個肚freeo的個陣先塞落口……
一日就咁完左lu

 

arrow
arrow
    全站熱搜

    ivyyik 發表在 痞客邦 留言(0) 人氣()