宅女日記

昨日發生左一單令人好唔開心o既事件
就係菲律賓脅持人質事件
我係n完之後，一覺瞓醒兩點幾
一開電腦先知道有咁大件事發生
一路見住話三點會有事發生又順利過左
而且見槍手個要求又好似唔係咁誇張，一心以為件事會好圓滿咁落幕
點知……到夜啲返屋企再睇電視個陣
結果會咁……

我係一路睇住個電視報導
話全部香港人質死晒個陣
個心真係沉一沉，好唔開心
一路希望呢個消息唔係真ｏ既，希望有奇蹟出現

之後，見到班菲律賓警察ｏ既救人畫面
見到佢用個搥去破窗但係又無乜行動
之後好似班傻仔咁搵車去拉個車門……
真係火都黎
呢啲係乜行動黎ｏ架？？？？？
咁樣係想刺激個槍手去殺人定係點丫？

最尾開到個安全門入去個陣
聽到槍聲又嗱嗱臨走返出撤退係乜意思丫？
仲要上去個位人兄得頂把鬼安全帽同埋避彈衣，
乜救人係要咁救咩？

忽然間有個幻想想叫香港警察去菲律賓救人
起碼，我相信佢地會處理得好ｏ的

之後睇返新聞畫面，發現個槍手有多時間可以係毫無防備之下俾人制服
究竟……班警察搞乜呢……
要搞到咁樣個結果先至得？？？？？？？
唔同香港人就命賤，唔洗盡力去救咩？？？？

愈睇愈嬲
當我見到有生還者可以走返出黎個陣
真係忍唔住喊左出黎
但係見到鏡頭中窗口邊有一ｏ的人係郁都唔識郁……
更加哭得厲害……

雖然身在香港的我，除了心酸之外也不能做甚麼
但，在這裡，容我為這批遇難者致哀及祈禱吧……