上海婆婆（屯門分店）－宅女日記

近排響屯門市中心都開左幾間新食肆
有肇順、有駿景軒
仲有ｏ的間－－上海婆婆

入面ｏ既裝修全部都係大頭ｂｂ油畫
幾特別同埋得意囉
但係野食呢？
就要試過先知

未開之前都幾期待ｏ既
因為屯門除左流金歲月之外
無乜地方食到担担麵
但係響openrice到又見到食客對佢地o既意見都幾負面
所以又有o的擔心

結果尋日同阿媽同細佬走左去食dinner
我嗌左一碗排骨担担麵、外加高力香蕉豆沙同埋小籠包
阿媽淨係嗌碟上海炒雞肉年糕
細佬就嗌紅油手展担担麵
ｏｒｄｅｒ個陣位侍應好緊張咁響度摷餸菜冧巴
可能開左無幾耐ｏ的野未熟啦

好啦，黎菜
因為唔記得叫後上，所以一黎就黎左高力豆沙先……
一部分都係自己唔記得
但係亦都可以顯出侍應唔夠細心
因為我之前響流金食係會俾人問要唔要後上
不過都算啦，食左先，
結果香蕉味多過豆沙味，豆沙唔甜又唔香，
個皮都唔夠鬆，唔合格

之後黎左碗麵，個碗大過我個頭
但係入面就真係
總之就不合比例啦
麵質略硬，唔係咁好食
排骨還可以，不過唔入味
我細佬個碗紅油牛展，就辣到連佢都頂唔順