宅女日記

今次參加ｏ既係永安星馬五天豪華團
所謂豪華團，應該都係酒店住靚ｏ
全部四五星酒店今次搭新加坡航，
曾經得過年度最佳航空公司
但係，因為佢係新加坡航空無得直飛去馬來西亞
所以，要轉機囉……

我係搭10點半鐘機
搭左三個鐘頭機先去到新加坡機場
新加坡機場俾我O既感覺係：大而無當
係好大，係好靚，但係唔方面行落一個閘口都好遠
兼且唔係度度有洗手間
入左候機室，又無TOILET
出返去又要同個職員講（因為之前做左X RAY CHECK）
總之好麻煩
再加埋響因為班機ＤＥＬＡＹ
所以，搞到成七點鐘先去到馬來西亞

響個度，亦都開始睇會到馬來西亞文化－－做野慢……
搞左好耐，終於開始遊覽馬來西亞啦
第一個行程係遠眺首相府及水上回教寺
順道睇埋個布得拉橋
首相府同埋回教寺因為太黑睇得唔係咁清楚
反而條橋就真係幾靚

呢一區亦即係數碼港
根據導遊介紹，係一個政府地區
對我黎講，係一個人影都唔見一個Ｏ既地方（或者我去得比較遲掛）

之後就去食飯
有黃酒雞、胡椒豬肚湯、咖喱奶油魚頭同埋肉骨茶，
首次對肉骨茶改觀，因為無乜藥味
之後就返左酒店，叫RENAISANCE HOTEL
響吉隆坡
硬係覺得酒店個名好熟口面
我好似住過好多次呢個集團Ｏ既酒店
係咪響札榥住過呢？

（間酒店房……係我亂咁影Ｏ既作品）

間房幾大，都幾舒服
可惜都係要俾錢上網（仲要係ＡＤＳＬ）
所以無上度，就咁用部小電睇下戲就算
響度，我亦都開始左睇日劇＜TRIANGLE＞啦
呢套戲亦都成為左我之後響酒店用黎解悶Ｏ既救星