今日係搬ward之後o既第一日
聽聞都幾混亂下
但係因為我去左替人
所以呢,就無親身體會
之不過,到最尾檢討會個陣
就變左訓人大會

其實今日sister特登打黎搵我個陣
話dom有野講,我都心知不妙
唔方好野
結果,四點鐘開會
諗住拖到四點半去到
點知最尾要到五點鐘先開始訓話

入正題,阿dom緊係先禮後兵啦
最後就講左重點,就係炳我地姑娘做野o拿西
又話好多人想入黎做,我地應該珍惜……
又話點解有時間唔執下個倉
又話sister好辛苦點解唔幫輕下,到時佢走左搵邊個替
又話我地無歸屬感,一收工就鬆人

佢講咁耐,我一句都聽唔入耳
都話我係叛逆少女啦,佢講一句心一面駁一句
好多人想入黎做,我想出去o番,若果可以係咪可以對調?
我幾有時間執倉?通常準時搞掂晒全部野都叫好彩
(尤其是個ward有個廢人)
sister走左,我唔信無人可以替到,大把人想升啦
兼且佢成日攬住成堆野唔下放,我點幫?
收工唔走,唔通留響度獻世咩,您又唔會補鐘俾我o既

根據佢o既訓話,我有咁o既結論:

全天下老細都認為無水加班係應份o既
全天下老細都認為個細o既係好得閒,唔做死你唔得
全天下老細諗野都好perfect,但係無諗過可唔可以執行
全天下老細都覺得細o既幫唔到手,一方面埋怨忙死,一方面又攬實o的野唔放

做細o既,可以點丫……………

arrow
arrow
    全站熱搜

    ivyyik 發表在 痞客邦 留言(0) 人氣()