宅女日記

星期六晚去試的火煱名店
以蕃茄湯底而知名
但比起小肥羊和有骨氣
我覺得這所店的食物質素只是普通而已

冰豆腐不及小肥羊的"索"味
蝦丸不及有骨氣的彈牙
肥牛只是普通肥牛、墨魚滑唔夠墨魚味
湯底唔夠濃……
總之在我心目中,這間"名店"跟普通酒樓的質素根本沒兩樣
但價錢就貴.....我三個人食左六百蚊
我唔會再去o的間打邊爐啦.........

去打邊爐之前
其實去左一個我見都未見個o既人o既喪禮
但係o的個人其實係我o既姑丈==(係好遠個隻)
同屋企人去到,呆坐成粒鐘
睇埋佢地個破地獄(我諗係掛)
見到o的道士係咁響度轉黎轉去,又打鑼打鼓
心入面佩服佢地唔會出錯之餘
touch wood咁諗,自己將來瓜左個陣,
我想唔想要一個咁嘈o既喪禮呢?
答案係否定
若果我真係要plan自己o既白事
我寧願靜靜咁搞,唔好搞到嘈嘈閉
畢竟我係一個鐘意靜o既人
我走左仲要咁嘈,我唔會happy囉
不過,儀式係屋企人決定o既
若果家人覺得咁做會安心o既
我都唔反對做返一o的傳統o既儀式o既

講左咁多,好似愈講愈遠添……
可能係我個陣悶過頭,諗左太多無謂野掛