宅女日記

到左第三日
正式離開大阪

大阪城－＞清水寺－＞手塚治虫專門店－＞京都地下城自由購物－＞子彈火車－＞溫泉酒店

大阪城
基本上係一個到此一遊
影下相就走o既地方
不過附近有種櫻花樹
我諗，到左有櫻花ｏ既季節
應該會係幾靚ｏ既一處地方啦

之後去ｏ既係京都清水寺
一個日式寺廟
不過太熱啦，實在係無乜心情行個寺
淨係買左幾道符就走
反而去左佢附近條街度買手信：
八橋燒餅同埋七味粉
同埋買左杯綠茶軟雪糕食，味道麻麻啦
亦都行左一個大圈
去搵間藝伎面油紙買面油紙……

去完古色古香ｏ既地方
就返黎現代ｏ的
去左手塚治虫專門店
不過我唔係佢ｆａｎｓ，所以無乜好買……
食埋飯，ｓｈｏｐｐｉｎｇ埋個地下城（買左個布袋同埋頭飾）
就試搭一下個子彈火車啦：

雖然係搭一個站咁多
但係真係幾舒服同埋快ｏ架
算係體驗之一啦

搭完車
就直奔去長濱皇都溫泉酒店ｌｕ
著浴衣，去食懷石料理：

一半好食一半唔好食

之後就去重頭戲
溫泉
我都係第一次浸溫泉咋
剥光去浸初時都有少少尷尬
但之後見個個都係咁
又無乜野
浸完真係幾舒服，
舒服到我可以唔理身邊噪音而一覺到天光
好正～