宅女日記

第二日，係旅行ｏ既真正開始
行程係：

環球影城－＞心齋橋

環球片場
大部分ｏ既遊戲都係3D或者係4D遊戲
對佢o既印象……麻麻地
因為好多映院響睇之前，都係講左一大堆日文
完全無英文字幕或任何翻譯
遊客去到，係可以悶到瞓
因為有阿媽一切ｏ既關係，玩ｏ既都唔係咁刺激
聽導遊講，玩左：

1.terminator，基本上係一場3d加真人o既show
2.史力加4D劇場，雖然唔明佢嗡乜，但係幾好睇O既，蜘蛛響腳到個感覺真係嚇一嚇
3.蜘蛛俠乘車遊，最刺激掛，坐住架車左拋右拋，再加埋3D，幾好玩
4.水世界睇SHOW，又係唔明佢做乜O既SHOW，不過真人打架同埋玩火／水效果驚人

再加埋睇左佢個ＦＡＮＴＡＳＹ　ＳＨＯＷ（唔係巡遊）
個朵電子花開花個陣都幾靚

因為係我睇Ｏ既第一個ＳＨＯＷ，所以覺得真係好ＦＡＮＴＡＳＹ
（之後睇多左就算得好少野啫……）

再睇埋個環球巡遊，有ＳＮＯＯＰＹ、芝麻街咁
普普通通就完左啦

因為天氣實在太熱
所以無無謂謂咁買左把ＨＥＬＬＯ　ＫＩＴＴＹ紙扇
再加埋其他紀念品咁啦
環球好似出左幾款特別版ＨＥＬＬＯ　ＫＩＴＴＹ
個人至愛這款，夠艷又夠姣

玩完環球片場，都成４點幾，
成個人散左咁好攰
點知下一個ＴＲＩＰ就係去心齋橋
一個ＳＨＯＰＰＩＮＧ　Ｏ既地方
更慘Ｏ既係，導遊淨係俾左兩個鐘時間去買野
結果係超趕囉
不過，都買左一堆野，因為，我去左藥房買化妝品嘛
以下係我Ｏ既戰利品：

主要係ＳＯＦＩＮＡ，因為有七折兼色靚
買左成三ＳＥＴ夏日限定眼影連眼線筆
真係用成年都未用得晒

另外都買左盒旅行書推薦Ｏ既炸豬扒包
結果大失所望，
無話特別好食咁囉
唯一優點係唔肥膩

之後返酒店食飯，食Ｏ既野水準一般
食完２０：３０左右想去番心齋橋再買野
點知舖頭已經開始收
無得行……連想食Ｏ既大阪燒都無埋
咁樣，個大阪行程已經去左一本ＬＵ