close
趁住有幾日假期
今日同阿媽返左大陸深圳行下
雖然一直知道有架Ｂ３去深圳好方面
但係因為唔夠膽，所以一直無返過大陸
後尾聽聞個度治安唔算差
再加埋阿媽去過都覺得ＯＫ
所以，
咁就成就左我Ｏ既第一次深圳灣之旅啦
我真係估唔到深圳同屯門係咁近距離
基本上半個鐘頭巴士就會到
去到個度，再轉搭２７１號巴士
到南油酒店落車……再行一小段路
就到左有間沃爾瑪Ｏ既花園中心
雖然，個商場對我黎講無乜行
但係，都叫有間書店仔－－學而優可以睇睇
我都響個度執到兩本書
兩本都係東野圭吾兼且未出繁中版Ｏ既
夾埋都係６０蚊人民幣
好抵
另外就係行沃爾瑪
果然係一間超級大Ｏ既ＳＵＰＥＲＭＡＲＫＥＴ
好多野睇，好多野買
最抵Ｏ既係買飲品
２．２左右就有一支，兼且仲要係大牌子
我終於明白點解呢人咁鐘意上黎買野
因為實在係太平啦
經此一役
我諗我會再返深圳行
下次目標係少年宮個書城
應該要響深圳灣轉搭９０巴士去世界之窗再轉地鐵
嗯，若果成行再寫番低個記錄
但係呢，我或者要換換回鄉卡張相
因為實在同我依家個樣太唔似
搞到個關員都望多我幾眼，兼要我攞埋香港身份證出黎……
雖然被讚係變靚左，但係都……幾麻煩ｏ架嘛
全站熱搜
留言列表
