又係睇飲食男女而想試o既蛋糕舖
據聞係京都名店
啱啱響時代廣場city super入面開左間新舖
所以趁細佬響cwb返工
所以斷斷續續叫佢買左幾樣綠茶味野俾我試
分別係：抹茶紅豆忌廉卷蛋、焦糖抹茶布甸、日式抹茶蛋糕
首先講左我最鐘意食ｏ既抹茶紅豆忌廉卷蛋先
一百蚊一條，講真，個外觀真係……麻麻地
我撕面個塊透明膠個陣仲要係甩皮咁
但係食落，都覺得味道好好喎
可能個人鐘意抹茶味ｏ既野
所以對咁濃抹茶味會覺得好食
而且ｏ的ｃｒｅａｍ都好滑，好好味，
想一食再食
但係我阿媽就覺得一百蚊一條，佢寧願買das gute ｏ既紅茶蘋果卷蛋好過
另外，我都覺佢個日式抹茶蛋糕都好食
夠鬆軟，而且抹茶味夠濃
可惜係太貴，１６蚊得一舊兩啖食晒ｏ既蛋糕
好似唔係咁抵食喎
（最右手邊就係個舊蛋糕啦……）
至於焦糖抹茶布甸……係我覺得最唔好食
可能食慣左有奶味ｏ既布甸，
所以對這個無乜香味又實ｏ既布甸無好感
若果我再去銅鑼灣，實會再買呢間耶ｏ既抹茶紅豆卷食啦
個人覺得好好味，也推薦給愛抹茶口味的朋友
全站熱搜
留言列表
