宅女日記

第二日
基本上係食食食食同食……
行程……就係圍住想去食o既食肆黎行
基本上，今日全部都係試新野啦
第一餐，就係去新光三越食上面相個個多士

個個多士係咖椰多士
來自新加坡，但係我響新加坡無食過
知道佢係有ｏ的名氣，所以一試
不過就有少少失望……可能係舊面包太濃而呢咖椰少
所以唔算太好食呢，我諗我唔會再去食ｌｕ

亞坤
地址：台北市信義區松壽路11號(新光三越A8館B2）

之後就響新光三越行左一排
見到阿聰師，真係台中頗為出名ｏ既芋頭酥店
所以都買左幾個芋頭酥食
個人覺得佢個抹茶酥幾有抹茶味幾好食，可以再買
但係阿媽就覺得佢個芋頭酥唔及李儀餅店咁香同埋咁多芋頭粒
人人口味唔同，我個人覺得都可以一試

（個人推薦抹茶酥）

亞聰師
網頁：http://www.smai.com.tw/

去完新光三越
之後就試試舊年新開ｏ既內湖線
去去美麗華百貨睇睇
結果，卻很失望呢，因為個度基本上係無野睇
所以，留左唔夠半個鐘就走左

行下行下，又到lunch time
今次食o既，係蘇施黃曾經響節目介紹個ｏ既半畝園

主打係牛肉餡餅同埋捲餅
我揀左捲餅，入面卷埋左條大蔥
真係好好食，好入味之餘都唔覺得肥膩
可惜ｏ既係個度食物選擇較小
同埋距離捷運站都有一段距離

半畝園
地址：台北市大安區東豐街33號
鄰近捷運站：大安站

食完lunch，就去shopping啦
我ｏ既主要目標係ｍｊ同埋茶葉
所以天仁茗茶同埋康是美係我必去ｏ既地方
掃左一輪，攰攰地，食ｔｅａ，
如往年照舊去pieces of cake
雖然因為臨近收舖所以選擇較少，但係味道依然咁好
個人仍然強力推薦這間卷蛋店

pieces of cake
地址：台北市大安區東豐街33號
網址：http://www.piece-cake.idv.tw
鄰近捷運站：中山站

食完cake，再行一陣
因為已經出左黎七個鐘
都係時間返酒店抖抖，
順便響七十一攞埋我訂左個ｏ的牛爾同埋beauty maker
所以，今次我買護膚品數目比起上一次多
至於好唔好用，就要試過先知啦

是夜晚餐，我同阿媽決定去寧夏夜市打路齋
呢個夜市係我未去過ｏ既，後來先發現原來佢響我買開小說ｏ既圓環ｏ既對面
好處係食物集中，響晒同一條街，唔似師大同士林咁大又難搵
而且食物質素唔錯，特別係"鱔炒意面"我到依家都覺得回味
唔好處係……無士林咁多野食，亦都距離捷運站較遠
但係俾我揀，或者我都係揀寧夏，因為呢野好食ｏ的
士林我已經覺得佢ｏ既食物質素下降左ｌｕ，或者係太多遊客掛？

寧夏夜市
地址：台北市大同區寧夏路
鄰近捷運站：中山站或雙連站

就係咁，第二日完結
呢日，我完全瞓唔到
因為……我阿媽ｏ的鼻鼾 聲太大
搞到我瞓唔著丫
我係咪應該帶佢去睇下醫生呢？？