宅女日記

呢篇文係提我自己今個月要節約用錢啦
繼16450學費
2xxx元第二期稅款
還有就是2xxx元的學費loan
夾夾埋埋
都洗左我成份糧咁濟

但偏偏，呢個時候仲有好多野要我洗錢
萬惡之首就係：

（圖片截自tv life）

大野智……
呢一排因為佢有戲將會上
所以雜誌不斷會有佢o既消息、訪問等等
閒閒地一本tv 誌要成40蚊，個個禮拜咁買都幾係野
另外，佢個團arashi
因為佢地近排紅，所以碟一張一張咁出
先係４月出演唱會dvd，５月出新single"monster"，六月出"最後的約束"dvd……
無停過……
鬼叫自己成廿幾歲人先扮後生鐘意ｊ家人咩，結果就係俾Ｊ家狂搶錢
好彩佢地全部年紀都大過我，心理都叫平衡ｏ的……

其二，是護膚品
我廿六邁向廿七啦，所以塊臉一定要保住
而我買ｏ既護膚品，主力係clinque
唔知係咁啱定係點，全部響我最無錢個陣就用晒……
結果，今日死死氣走去沙田買左護膚品再順道修下條眉
不過，佢修得真係唔錯，或者下次搵返個位ＢＡ　ＦＡＮＮＹ啦……

所以，今個月我決定去旅行之前都要做宅女
唔去街唔買野費事睇到眼冤啦……