之前同啱啱出黎做野o既細佬傾開
佢話佢依家o既生活
就變成左：起身－＞返工－＞放工－＞塞車（因為佢由港島返屯門）－＞瞓覺－＞返工……呢個循環入面
無乜時間可以做私人野
聽到佢咁講，我就諗下自己平時係點過
原來相比之下，我ｏ既工餘時間比佢多
亦都係徹頭徹尾Ｏ既宅女生活
而我一日ｏ既生活流程大致係咁：
（以下只是我一日生活碎碎唸應該不怎麼有趣吧？）
若果我係返Ａ，即係朝早７點O既話
除非要聽書或者有其他雜事要搞
通常，３點之前我就會返到屋企
第一件事係食野
之後就係開電腦，睇下有無我偶像，包括周杰倫大野智玉木宏最新消息
若果有新又啱日劇睇，就會開始DOWNLOAD
並且在D/L途中走去瞓晏覺
到六點鐘度瞓醒就開始睇D/L左O既野
之後九點食飯，食完飯繼續上網啦，打下ＢＬＯＧ咁（所以我個ＢＬＯＧ成日有野更新）
到臨瞓之前就開魔王ＯＳＴ聽（都有可能係其他純音樂碟，但係大部分時間都係聽呢隻）
再順手攞本書（非言情小說類）黎睇用黎整攰自己隻眼再瞓
咁就過一日
若果我返Ｐ，就係十點半起身
又係上網又係睇下有無我偶像最新消息有野就Ｄ／Ｌ
之後十一點半食飯順手睇片，到一點鐘出門口返工
收工九點鐘，返到屋企十點鐘
又係去上網，之後就係臨瞓前做個堆野……
依家睇返，其實我除左Ａ／Ｎ之外
都幾多時間做自己野喎……兼且係自己做自己野
唔怪得知俾我細佬話我成個宅女咁啦
但係我又幾享受呢種生活……
咁樣的話，我係咪應該慶幸：
一．我選擇左做呢行兼輪更返工（之後日日返朝九晚五可以用Ｏ既時間少到死）
二．我可以返屯門醫院（半個鐘頭內可以返到工／屋企……）
最尾好似鼓勵緊我自己要堅持並且對這份工作感恩咁……
而且講到我Ｏ既生活好…ＨＥＡ
……
不過，返呢份工真係殺死唔少腦細胞……
對住個堆係人命嘛……仲要做夾心人……
所以我原諒自己放工之後咁宅Ｏ既行為
宅女生活最高！！
（打完，才發現這是言不及義的一篇文章……這篇是純發洩用吧……）
留言列表
