宅女日記

睇返日曆，７月３日
先知道一年又過左一半
好無聊地諗，呢半年黎
我究竟做過乜呢……
雖然無乜大事做過，全部都係芝麻綠豆ｏ既小事
但係都有做過對下半年有影響ｏ既決定

先諗下我上半去左邊樹玩
首先係台北，跟住就係日本仙台，之後又係台北（睇演唱會）
結論係，暫時都係響東南亞周圍旅行住先
太遠ｏ既地方始終未有足夠ｏ既財力去到……

娛樂方面……我發現我睇演唱會都睇得幾密喎：
二月張敬軒、三月玉木宏加陳奕迅、五月羅志祥、六月周杰倫（台北）
全都都係唱得之人，亦都值得去睇
所以，下半年會繼續去睇演唱會
暫定有…九月周杰倫（香港）、十月衛蘭

而上半年我作ｏ既大決定，
就係報讀中大護理系碩士課程
呢個決定，將會影響我下半年ｏ既生活ｌｕ
例如，財政上要慳ｏ的啦
旅行時間無乜啦
返工要經常ｒｅ　ｄｕｔｙ啦
仲有就係應該會好忙
希望……可以順利捱過呢兩年啦

至於我響年頭寫ｏ既個人展望？
健康託賴除左有ｏ的小毛病之外都無乜大問題
感情依然一片空白
事業改動嗎？……等我讀完個ｍａｓｔｅｒ先算啦……
基本上，上半年係無風無浪的半年
希望下半年依然keep住呢個平穩感覺
繼續努力啦