宅女日記

花呢，果然係要日頭睇先至靚
因為咁
響第三日行程
條氣唔順ｏ既我
唔理陰陰天
都照去多次花博睇花
結果，今次當然無後悔啦
除左睇花，都有其他行程
以下就是我們最後一日的台北之旅

首先，一朝早起身
我地就去左第二日個的士司機介紹ｏ既華山市場食早餐
呢間野，叫阜杭豆漿
食左厚餅夾蛋同埋一碗熱豆漿
真係，好好味丫

之後又去西門町掃手信
今次係買啲要雪ｏ既野，例如：鴨舌、綠豆糕
11點前o既西門町真係好靜呢
同下午完全不同

買齊野，趕返酒店，開始執篋
１２點check out之後，就去左台北車站微風廣場行左一陣
結果買支ｎａｉｖｅ沐浴露……實現左我要響台灣買支沐浴露返黎ｏ既預言＞＜

hea左一陣，開始肚餓，就走去肥前屋食饅魚飯
我其實一早食過，但細佬同阿媽就未試過
佢地想食，咪俾佢地試下囉……
結果，一如所想，眾人意見都係覺得普通
我個炸蝦飯……雖然炸得好靚
但味道也是一般而已……
其實
我真係唔明點解佢會咁多客
唔通呢啲係日本真正口味？？

食飽個肚
就再去花博

日頭睇ｏ既花海真係靚好多
響個度都謀殺左我張記憶卡不少容量
放幾張出黎

不過個會場真係好大
再加埋……其實除左花海之外都無乜植物靚
所以行到四點左右就覺得累
返左去台北微風廣場hea

我地去hea o既地方
係一間抹茶專門店，叫zeze
食左一個充滿綠茶味o既tea

味道不錯，真的有很濃的綠茶味
下次去應該會再去買來吃（若果它還沒倒的話……）

hea到差不多夠鐘，就再買mister donut返香港
就搭book左架車去機場返屋企

因為華航機delay，搞到我要成十二點先返到香港
好累好累，慘在第二日仲要返工
結果，第二日我上堂個陣全程係瞓的，哈哈

我諗因為今次又cancel機又delay的，
我唔會再搭華航機了