第五日,上海自由行中
上海完全係同青島兩個感覺o既地方
人勁多,亦都聽到好多廣東話……
果然係旅遊城市
行程第一站,我們去左豫園
一個我去過細佬無去過o既地方
先解決左個早餐,食左吳大娘水餃
因為接近黃金周關係
所以豫園都係人頭湧湧
之前跟團無入要俾錢o既豫園參觀
今次就買飛入左去睇,都幾靚o既,中國式庭園feel啦
行完豫園,就去左南京東路沈大成食晏
本來想食點心變左食小菜
anyway,都幾好味
佢地o既兩面黃真係全部面都係炸過
配上松鼠桂魚的汁真係好好味
之後響南京東路掃左一輪手信(我細佬連衫都買埋……)
就返左酒店稍作休息
之後就決定由酒店經古玩市場去新天地行下
結果古玩市場o既野係新舊混合
新天地純椊係一個舊區新店咁
特別係特別,但係行唔到好耐
一直想等天黑睇夜景
但太陽仲未落山,結果,就去左呢間舖頭度hea
(apple shop,有wifi有機玩,挺不錯的)
hea到六點幾,決定食埋晚飯先去睇夜景
結果求其響本旅遊書度揀左間吳越人家吃面
味道還可以啦
晚飯過後,直奔行程重點--上海環球金融中心
上海最高的大廈
可以上去望整個浦東區夜景
也有透明樓層在
說真的,有點畏高的我實在不太想去
但細佬想去,唯有頂硬上啦
結果,望到個view又真係幾靚
但個人還是覺得香港夜景較美……
睇完夜景,都成十點幾,去住東方明珠塔行去地鐵站
就咁就返酒店
全站熱搜
留言列表