行程：
香港KE 608
仁川機場
海水溫泉 IN SPA WORLD首爾金浦機場濟州機場午餐龍頭巖神奇之路LOTTE HTL-CHEJU風車渡假酒店
響早一日ｏ既夜晚
食完晚飯之後
我同阿媽兩個就要出發去機場集合
一去，就見到我地今次ｏ既領隊－－Ｑ生
睇佢Ｏ既年紀都知道有番咁上下經驗
佢派左一Ｏ的資料俾我地
不過我覺得最持別係個團章
背面有一句韓文，大意係：
我係香港人，我迷路，可否替我打電話給ＸＸＸＸ
幾得意同埋貼心Ｏ既設計
若果蕩失路都唔洗咁慌
搭大韓航空飛機
基本上全程都係瞓
不過位都幾闊，唔會太過侷促
坐走四個鐘頭機，就見到我地位導遊ＥＭＭＡ小姐
去到首爾第一站，
我諗去過韓國Ｏ既人都知道
係去"溫泉"，其實係一處俾你瞓同埋沖涼Ｏ既地方
入到去，真係大開眼界
Ｏ的韓國人真係好ＯＰＥＮ，唔介意光脫脫響你面前行黎行去
而且瞓Ｏ既地方仲犀利，有暖氣地版
而各位韓國人就咁就瞓，個畫面就好似集中營咁
成堆人瞓晒響度
初初諗住自己實瞓唔著
但點知最後太眼瞓啦，竟然瞓著左
咁都好，精神好好多
之後就去搭到首爾
金浦機場，前身係國際機場
依家就變左內陸機場，
原來內陸機票唔似得國際機票咁有磁帶
佢地係用一個圖案（手提電話個Ｏ的）去ＣＯＮＦＩＲＭ您張機票係真
同埋登機
都幾得意
坐左一個鐘之後去到濟州
一個韓國人渡蜜月Ｏ既地方
第一站係食晏，我已經覺得不妙
因為全部都係醃過Ｏ既菜、鹹魚仔等等
再加埋一碟唔好食Ｏ既豬肉同埋一碗白飯
雖然唔啱胃口，局住都要食多Ｏ的去補充體力啦
食飽左，就去景點龍頭巖
據稱係龍的兒子因為頑皮而被弄至成為石頭
但在我的目光看來，它一點也不像一頭龍
倒像一隻狗……
之後行程表上面寫住去神奇之路
但係其實都唔係去，係經過
一條睇落去向上斜Ｏ既路，司機一熄火反而會自動滑下去
幾得意Ｏ既，不過因為安全問題而唔俾落車試玩
有少少可惜囉
之後就去到酒店ＣＨＥＣＫ ＩＮ
樂天風車酒店，世界上也可以說是一級酒店
外表以南非迷城皇宮作為參巧
房入面ＴＯＩＬＥＴ仲大過我間房
好豪華，不過無ＰＬＡＳＭＡ電視囉
而且電視台全部都係韓文及英文
得一個老土華文台－－鳳凰衛視
香港人真係無乜好睇
領隊同埋導遊都好細心，早左ＣＨＥＣＫ ＩＮ之後俾我地可以抖下
所以又瞓，瞓到晚飯時間先現身
去左酒店隔離食海鮮餐
海鮮餐呢
雖然導遊話係韓國至靚Ｏ既海鮮
ＢＵＴ，我覺得香港個Ｏ的好食好多噃
可能係因為唔啱口味Ｏ既關係啦
有得生吞墨魚，我都試左
感覺怪怪地，有野吮住我Ｏ的牙咁囉
其他同食普通刺身差唔多
最尾響導遊推薦下睇左個酒店火山爆發表演
一樣，覺得麻麻地
都係Ｏ的火噴下，有激光咁
始終胃口被香港Ｏ的ＳＨＯＷ養得太刁
所以覺得普通啦
留言列表
