宅女日記

近排又洗錢
單計唔算大金額
但係洗下洗下不知不覺又好似唔見咁筆咁
反省之下
發現我有三個死穴係洗得我最多錢

死穴一：

古典樂ｃｄ
起因係交響情人夢ｏ的套戲
佢出ｏ既周邊我雖然無乜興趣
唯一有興趣就係佢入面ｏ的音樂
偏偏呢，ｏ的ｃｄ又貴，好多都係日本先有
近期買個隻ｎｏｄａｍｅ　ｏｒｃｈｅｓｔｒａ　ｓｔｏｒｙ
就洗左二百蚊

死穴二：

周杰倫～
我偶像，亦都係近期洗錢元兇
先係電影珍藏版原聲碟
再來珍藏版ｄｖｄ
跟住仲有一本小說同埋本琴譜
我都唔明自己點解會買琴譜，我都唔識彈琴……
不過因為咁，我又有少少想學彈琴……
若果成真，又係另一個洗錢ｏ既元兇啦
黎緊仲有演唱會同碟
又會洗我一筆

死穴三：

書，只限小說類
唔知點解，香港買書要咁貴
但係又未去台灣住
所以死死氣買左三本長篇小說：幽巡者、放風箏的孩子、最後晚餐
夾埋都要成二百幾接近三百
唔計我租小說或者買小說錢喎
我諗ｏ的度又洗好多

好多小數計埋就變左大數
仲要還ｌｏａｎ又要俾家用
今個月應該儲唔到幾多

雖然以上ｏ既野唔會令我赤字
但係有一樣野令我今個月一定會赤字
就係我O既旅行癮啦
我十一月會去韓國旅行啦，濟洲加首爾，
揀左東瀛遊，團費一位成五千，兩位一萬，
哈，雖然係開心事，但係有少少肉赤囉
再加埋十二月我突然有假放（聖誕之後個兩日半，夾埋有成六日）
又有少少想去台北行一轉……
今次實俾人鬧我洗腳唔抹腳得啦