宅女日記

第三天，行程由秋田往南走
首先，係去盛岡手造村做燒餅
響個度，整左個燒餅出黎吃

（我整ｏ既燒餅丫）

新鮮ｏ既燒餅真係幾好味
而我響個度，亦都掃左大量手信返黎

之後就係嚴美溪
同樣係一個應該有櫻花但係有無開ｏ既地方
去到呢度，我差唔多到睇櫻花已經係死心咁濟

個度有一ｏ的小丸子可以吃
仲要係好特別咁搵個簍送過黎俾我地
兼且，仲要掛埋香港區旗，都幾盞鬼

睇完景，就去吃飯
今次有自己加料ｏ既拖羅同埋海膽
但始終唔及北海道食個餐咁鮮味
不過，質素當然係好過香港啦
所以，我用海膽撈飯食左成碗飯
另外又食埋個烏冬，我好少可以食到咁大份量ｏ既野啦

lunch完，就參觀淘金館
但解釋全部日文，睇唔明
無感覺……

之後，就搭車返仙台啦
響度，終於見到滿開ｏ既櫻花
有ｏ的，仲開始謝添……
搭車個陣見到有一個公園有滿開ｏ既櫻花
可惜，導遊無俾我地落車影相
亦都無人要求……所以齋用眼見到無影到相
而響青葉城遺跡個度
都見到開得幾靚ｏ既櫻花
但係就唔密囉

（伊達政宗像）

（開得最靚個棵櫻花）

最後，行仙台一番街
個人覺得……無野好行……
所以若果想響東北shopping應該無乜可能吧……
之後食燒肉
試過仙台牛舌，亦都食埋松阪牛
同樣咁好味，同樣荷包出血
但，依然好想下次再食過

之後返酒店－－藏王皇都酒店，
呢一間係唯一一間酒店有免費wifi可以俾我上網o既
可惜個訊號係不穩定，斷下斷下咁啦
另外，呢間酒店有真正ｏ既露天風呂
好正～