宅女日記

行程：

酒店早餐韓國文化體驗館新村朵花女子大學購物大道午餐烏頭山統一展望臺海爾里藝術村樂天世界晚餐

第四日，行程接近尾聲
食完中式早餐（都唔差）
首先去整泡菜
睇落都幾簡單
不過其實預備醬料都幾麻煩
我要做Ｏ既，淨係將ＰＡＴ醬撻落去菜到
所以好似好簡單咁

之後就著韓服影相
呢到係攝影師哥哥瘋狂影相Ｏ既地方
因為佢要影左之後賣番俾我地麻

影完相，去左梨花女子大學購物大道
響度，Ｏ的衫靚好多
可惜財力有限
最後買左兩件衫，再加埋Ｏ的耳環咁
幾靚架，但係價錢其實同香港差不多
唯一好就係香港無囉

午餐係自費，不過都係俾錢食團餐
今次食Ｏ既係春川雞，終於有雞食囉
幾好食添，仲有韓國年糕，點辣醬都幾好味
口感幾Ｑ

食完ＬＵＮＣＨ就去左烏頭山統一展望臺
一個介紹南北韓北裂史Ｏ既地方
入面有ＪＳＡ安全地帶公仔（又係明星效應……）
ＥＭＭＡ好詳細咁同我地講解南北韓分裂史
都令我對這一段歷史瞭解深左

不過呢，烏頭山最令我印象深唔係歷史
而係紅葉

韓國依家入秋，所以有紅葉睇
雖然唔似得旅遊雜誌影得咁靚
但係現場睇都幾吸引，幾浪漫Ｏ架

去完烏頭山，就去左海爾里藝術村
一個我唔知去黎做乜Ｏ既地方
入面有一個我唔識Ｏ既卡通人物"士多啤梨妹"
我就咁影左幅相當到此一遊就算

好勒，之後終於去樂天世界
一個大型室內遊樂場
有一個好似迪士呢Ｏ既城休
同埋機動遊戲
礙於今次係同阿媽去，玩唔到刺激遊戲
所以淨係玩左法老的憤怒、單軌火車、旋轉木馬三個機動遊戲
之後就去左睇花車巡遊
花車都幾靚，主題係不同Ｏ既國家
下面ＳＨＯＷ幾張花車相

玩完樂天世界
食ＳＨＡＢＵ　ＳＨＡＢＵ晚餐
又係淥豬，不過都幾好食
計落，我今次行程食豬都多過我一個月份量囉