宅女日記

今日無啦啦俾上頭問
我個病係咪淨係affect都o的skin
對身體無影響....因為上面應該想調我去外展
我心諗...您唔係咁搞嘛
仲有o的火....因為,我個病唔係淨係影響skin咁簡單
您堂堂阿大竟然乜都唔知,真係火都黎

根本上我個病唔可以長期曬太陽
因為會activate個病
我諗o的樣野未讀過都可能聽過掛
仲要係一個nurse,有無搞錯
我心入面已經媽叉到想火起

而且調我去外展日曬,尤其是係夏天
為左工作,失去我咁多年保住o既穩定
咁樣真係唔抵....再加埋我想調走
真係有個衝動遞紙apply調ward算
不過都係俾同事勸我冷靜o的,睇定o的先
加埋我reject左,同埋有病,應該唔會調到,
因為re-active番個病佢地要揹個責任

依家都係睇定o的先啦
但係我已經有諗過,若果兩年都未調走
或者去左衛生科
我都會apply週去ward
因為零 ward經驗對於我地一堆fresh grad黎講真係好蝕
再加埋望到人地做左七年衛生科都係得個吉,人地都唔當您有ward exp
都係要諗下點走啦

依家都要搵番個大粒醫生,覆診時叫佢寫番封信証明我唔適合曬太陽
唔係點死都唔知,
或者有人覺得我麻煩,o的樣又唔做,個樣又唔做
但係為左自己好,人地點覺得都唔理得咁多
再咁落去,suffer係我,唔係個dept
做得好又唔會有人讚
做得衰先就搵您出去祭旗
咁o既dept,不做也罷