宅女日記

北京第四日行程：天安門、人民英雄紀念碑－＞天安門城樓－＞全聚德烤鴨－＞中華絲綢館－＞茶博士

北京最後一日
首先第一站係天安門廣場
主要都係得影相
可能我無乜民族情意結
所以對住天安門都無乜感覺

行完天安門，上埋城樓，順手去埋奧運倒數時計
就去左同仁堂，買個隻比較貴價ｏ既冬蟲草丸
又係要黎養身用

之後就去左北京出名ｏ既全聚德烤鴨
都幾好食
結果買左四隻真空鴨帶番ｗａｒｄ做手信

之後，就去左最後一站ｏ既中華絲綢館
佢地ｏ的床套真係好滑又好靚
不過太貴，唔買
淨係買左張被
再上左去樓上
買幾條絲巾送俾人就算

因為時間有多
所以導遊安排左我地去茶博士到買茶
初初我地成團都以為佢帶我地去"飲茶"係去食野
點知係去左間買茶o既舖頭
係到就出事啦,大出血
買左成六百蚊茶葉
鬼叫我鍾意飲茶咩

總括來講,北京算係值得一去吧??
起碼古迹都幾宏偉
不過少o的腳骨力都唔掂
或者在北京奧運之後我去自遊行去多一次
但係,衛生情況就麻麻地
特別係toilet,多數都係又濕又臭
而且唔係個個守秩序.............

跟中旅社都算唔差,個人覺得好過康泰
不過今次兩個導遊都係少帶團
所以覺得佢唔係咁熟帶團,不過都幫左我地唔少忙
算係咁啦

下一個目標應該係西安或者韓國
西安睇古迹
韓國係滑雪同埋買野
其他想去o既地方包括：日本京都、埃及、北海道，不過好似貴ｏ的
各位ｆｄ，有興趣想去以上地方ｏ既話可以搵埋我丫