宅女日記

第二日行程：寶樹堂－＞玉石市場－＞長城居庸關－＞定陵－＞古越龍山宴－＞音樂劇功夫傳奇

六點鐘ｍｏｒｎｉｎｇ　ｃａｌｌ，響酒店食左個凍冰冰ｏ既早餐後
便於７：３０出發
因為媽子要求（中旅社好就響度，有要求都會盡量安排）
所以第一站去左著名藥廠寶樹堂
即係生產寶膚靈的地方
因為受人所託
所以總共買左五罐藥膏
本來想博佢俾多少少贈品
但係，因為係公營，所以無ｏ的回事
結果梗係無功而返啦

之後去到玉器事場
聽佢講書
不過我一樣玉器都無買到
因為太貴
同埋都無乜用
淨係買左隻熊貓公仔陪瞓

之後就去左萬里長城－居庸關個到行
意料之內，我係行唔到去最高
因為我畏高，夾個到都幾斜
行左無三分之一，影左幾幅相就算
之後行左長城ｏ既奧運精品館
諗住買富紀念幣俾老豆，點知出事
因為無ｃｈｅｃｋ清楚，款紀念幣原來有兩個係重覆圖案
不過因為發現個陣已經離開左長城好遠
唯有俾導遊同埋領隊搞啦

去完長城，就去左自費ｏ既定陵
五大景點之一，不過個人覺得無乜特別
其實係明朝第十三個皇帝ｏ既一個墳
可以睇下陪葬品同埋墓室咁
但係咁就一百蚊，好似唔係咁值囉

去完定陵，食左個無乜特別的古越龍山宴
就去左睇導遊推薦，又要自費ｏ既音樂劇"功夫傳奇"
唔知係咪因為多鬼佬去睇
所以全程都係英文對話
配以中文字幕
鬼佬可能睇得好興奮
但係對於我呢o的睇功夫片大o既人
吸引力唔係咁大,仲覺得有少少悶

返到酒點已經過左九點
因為食得唔飽,所以落左去酒店附近食宵夜
食左永和大王,買豆漿同埋油條個o的
媽子買左牛肉面,我就食蔥油餅加蛋
配埋豆漿
都幾好食喎
而且價錢又唔貴,比起團包個o的餐好食好多