宅女日記

久仰大名的餅店
卻一直沒有去買
因為……實在是太貴了
但，今期的飲食男女又介紹酒店西餅
而這所餅店，又好死不死的
出了我最想試的－－綠茶芒果蛋糕
結果，還是特地走到尖沙咀去買它的西餅了
沒有了名廚tony助陣，
反倒邀請了一位日籍師傅
出來的效果會是怎麼樣？
（以下的圖片皆轉自openrice）

我這次買了五件蛋糕，平均三十元左右一個
分別是：綠茶芒果、拿破崙、士多啤梨撻、布丁撻以及蘋果撻
而個人覺得好味程度就係：拿破崙＞綠茶芒果＞蘋果撻＞士多啤梨撻＝布丁撻

先講拿破崙
不嬲係我響西餅中至愛o既一款
因為若果夠鬆夠脆的話
成個餅就會好好食
而呢個，就做到我ｏ既要求
而且佢夾住ｏ既芒果亦都夠甜，cream亦夠滑

 所以，這款西餅是我這次經驗中的至愛

至於第二名的綠茶芒果蛋糕
我搵唔到相
但因為極愛綠茶味ｏ既野，所以一見到就即買
綠茶味好濃厚，卻不會搶了芒果的味道
兩者意外地夾
卻因為沒有脆皮，所以暫列第二
響我想像入面，若果有綠茶味ｏ既拿破崙餅好似都唔錯喎……

第三名是蘋果撻
個皮幾得意
上面個堆面包粒都幾好食
唯一不慣的……應該是那些餡吧
或許個人不太喜歡蘋果味的餡料
總覺得有一點兒怪怪的

至於布丁撻與士多啤利撻
其實個餅底係類似，之不過上面放唔石材料
雖然好食，但係無令我有再想食ｏ既衝動
所以就排左響第四、五位啦

總括黎講，酒店西餅果然係有一定水準
果然係值咁ｏ既價錢
依家搞到我心思思想去九龍城買tony wong o既餅黎試下添
不過，都係等五月，有返少少錢剩先啦