父親節～ @ 宅女日記

又到父親節
例行公事當然係要破財送禮啦
今年o既父親節禮物係：

認得出o的部係乜機
我諗對手提電話研究都有一定年資囉

講開父親節
都要講下我老豆
其實我同我老豆o既關係唔算差
不過係相對唔知講乜個隻
有時佢個o的固執野我都睇唔過眼，
我又唔敢直接同佢講……最尾係變左忍囉
幸而影響我o既野都唔係咁多（係都影響阿媽多o的啦）
但係我都知佢係錫我o既
成日透過阿媽黎關心我，問我諗法囉

我老豆其實已經差唔多到退休年齡啦
我成日想請佢去旅行，佢又放唔低部車（佢有部的士……）
結果搞到咁ｏ既年紀都淨係去過一次旅行……
有時，都戥佢辛苦，
不過佢又想做，都無佢符

依家最希望o既，係佢身體健康啦
touch wood咁講，依家佢仲算身壯力健
但係成日響醫院度見到一o的後生過佢又病重o既人
都咪話唔擔心，尤其是係佢生活作息咁唔正常（夜更的士，又食肥又食甜咁……）
唯有買多o的補身野俾佢

最後，都要講句：願天下父親父親節快樂！ emotion