close
噚日係聖火運送o既日子
事前，都無人估到香港人o既反應會咁熱烈
仲有電台節目主持人擔心會無人睇傳聖火
最後，証明大家都是多慮啦
雖然我因為要返工而無親身睇到聖火傳遞
但係見醫院入面都派晒"中國加油"貼紙
而上至WM下至清潔阿姐都貼晒係套制服度
都幾搞笑
響食飯個陣就睇到電視直播響馬場到運聖火個段
都幾有趣
不過臨尾點火盤個陣
隻馬好似驚左Ｏ的火咁嗱嗱臨咁走
我都有少少驚出事
事後睇番新聞片段
都覺得香港罕有地咁齊心
大嗌中國加油，又唱成日都唔記得點唱Ｏ既國歌
香港人Ｏ既特性就係咁，有事就特別團結
最鐘意係龍舟傳聖火，由高處望落去好有氣勢
而且係咁耐以黎第一次喎，令人覺得驕傲
至於另一個矚目點：明星傳聖火
我覺得劉德華係跑得最型Ｏ既一個
步速適中、姿勢有型
雖然有人笑佢，但我都係覺得佢型
響香港入面，我最欣賞Ｏ既藝人都係佢啦
今次佢唔洗經贊助商而直接被指名去傳聖火
都算係佢成就上Ｏ既一項肯定，都替佢開心
全站熱搜
留言列表
