宅女日記

噚晚night，尚算順利
只不過係一開波有一個case desatured
一個r/t foley再加 tracheostomy o既人
無DNR
要急救，所以成晚都處於一個緊繃狀態去望住個CASE
無乜抖過
但係有時望住個CASE，我O既想像力又出現，
又諗好多野出黎……

有時我對住個case會諗
人生的意義到底係乜？
若果有一日我瞓左係度，r/t foley 氣口樣樣齊
復原能力近乎零，沒有意識，好大機會變左植物人
我會唔會仲想留響將床度呢？
當我要死個陣，我仲想唔想俾人狂搓我心口做ＣＰＲ拖住我唔俾我走
又或者要再搵部機係咁逼我呼吸？
然後繼續瞓響度，到某一日開始生出BEDSORE要狂洗傷口呢……
諗諗下，我都覺得好恐怖

當然，家人會好唔捨得病左家人
呢一個係肯定，
而且好期望有神迹出現，希望病左Ｏ既家人會慢慢復原
但神迹唔係成日出現，
而且，復原能力以年齡愈來就愈無……
所以，若果我老左，有一日要咁樣，我就寧願平平靜靜咁去就算

可能因為響醫院做
所以見得多咁樣CASE
有時都戥PATIENT 辛苦
或者好多人唔認同我O既諗法
但我要強調的是，我不是贊成自殺
只是覺得，若果一個人病入膏肓，沒藥可醫
而卻被用盡一切方法拖住不走，就太可憐了……