近排因為有大粒黎巡視
結果，個ward嚴陣以待
又話要check呢樣，又話要check過樣
跟住要搞張乜form乜form話要填
總之你唔填或者填漏就覺得你無做
有鑊就要你揹個隻……
雖然我入行大概五年
但係，愈黎愈覺得呢行係要對住張紙多過對住個人
paper work愈黎愈多
要你填呢樣填個樣，填漏左就煩到你死
咁點有時間去做patient care呀？
淨係check有無填漏野都已經花一段時間啦
唔怪得之有同事講笑咁話，依家o既TPC（Total Patient Care）
已經變成Total Paper Care囉
呢o的，真係nursing發展o既方向嗎？
我個人覺得係走偏左條路……
但係，好多上面ｏ既人就算得呢個係必需
因為怕出事個陣無文件去support自己？
或者，呢個係一般大眾不再信任醫護人員的後果？
所以樣樣野都要寫都要mark低到有質問個陣就搵呢堆文件去反駁？
我諗唔通，
或者，係我諗得太多？
不過我煩黎都無用，我只係小小一個職員……
盡本分做野算啦
全站熱搜
留言列表
