宅女日記

噚晚係一個好特別o既night
有啲護士可能做左十幾年都未遇過咁o既情況
但係，我就好好彩，撞到啦
仲要全程處理添
（以下內容牽涉遺體處理，
若感不安請勿讀下去）

其實件事就係
我要處理一位信奉穆斯林教的病人的遺體
穆斯林教徒，係唔會俾我地將遺體放去我地醫院ｏ既殮房
反而佢地自己係有一個地方去安放遺體
而我地亦都要尊重佢地ｏ既意願
不過，程序上就麻煩好多好多

首先，醫生証實佢死亡之後
其實仲有幾份form要填
但好衰唔衰，呢份野響非辦工時間係要由急症室攞黎
而攞黎ｏ既時間，啱啱就撞正左醫生交接ｏ既時間
結果……就要等接更個位醫生黎簽
咁就等左我一個鐘

簽完，又要打去警局同佢地講有人會去佢地度搞文件
結果……唔知點解警局個線路好繁忙
我地又用左一段時間去接通報案室
點知通左報案室，想教屋企人點做個陣
屋企人又話不如放係我地殮房算……
個一刻我真係好想鬧粗口
好彩最後有一位後生ｏ既親屬黎到
搵到車可以送個遺體去佢地個個穆斯林殮房咋
唔係又係一鑊泡

最後，病人係九點死
要搞到兩點鐘先有人可以拿個遺體走
中途又有警局打黎問下死者ｏ既病情……
搞左一輪，兩點鐘左右settle晒所有野
望位我咁大個女從未見過o既情況：
四名大漢拿住個木箱（無蓋）咁裝住條包好ｏ既屍體，淨係蓋住塊黑布走……
真係一個好特別ｏ既經驗，亦都學到好多野

響度，要好多謝好多人
包括幫左我好多ｏ既輝爺、
特登響隔離ward過黎幫手o既runner同埋受到影響o既隔離ward ic
仲有要ot 個位a&e文員，同埋我個ward個幾位同事
若果無左佢地，我可能未必識點解
都要多謝ＡＣＨＳ，無佢，可能我未必會睇穆斯林處理遺體個份指引
到時可能仲亂……
好多野都係咁啱得咁橋咁發生，總之，都好感謝有咁Ｏ既經驗讓我學到唔少野啦