宅女日記

第三日
去嶗山
本來想去北九水，但司機話北九水現在沒水
結果轉左去太清宮
結果就出事啦

出事在於個太清宮
簡直係掠水ｏ既地方
無啦啦要人買香拜神，無啦啦俾個吉祥物你要你俾錢
再之後仲要添香油
俾五十蚊香油又嫌俾得
我真係好想響個度爆粗
在此敬告各位去呢度旅行ｏ既人
要小心呢個地方
乜道教聖地依家變成掠水聖地ｏ架？？？

唔理呢個污點
之後繼續青島之旅
去左山下的東興飯店跟包車司機吃午餐
今次呢海鮮，正個之前個晚食ｏ既好多

不過價錢都貴一倍，四百蚊埋單

行完嶗山，去左極地海洋世界睇下極地動物
同埋睇左兩個表演
都幾得意，尤其是隻海象
又做sit up又俾人話肥之後扮頹，好可愛

（扮沮喪的樣子真的很可愛）

極地海洋世界之後大概黃昏
見到有時間
就去左基督教堂同埋天主教堂度影相
本來諗住去埋迎賓館，可惜已經閂左門

（天主教堂）

（基督教堂，一日之內去了三個教派的地方）

去完幾個堂，就坐的士往瑤瑤火鍋晚餐了
這間店是在網絡上找來的，說又便宜又好吃
結果真的不錯
不過青島點菜有一個特色，就是要先點菜後入座
跟香港有點不太一樣呢

（羊肉好味，但那麼什麼什麼滑雖然新鮮，卻沒打至起膠，跟香港的作法有點不同耶）

因為實在太累，所以晚餐過後便直接回飯店了
明天就是在青島最後半天，之後就會到上海嘍