今次主要目的係台北書展
係我人生中第七次去
o的個地方真係我o既"尖沙咀"
用黎hea o既

本來台北o的個地方
我係熟到爛
不過,由於我想連台中一切去
所以變左跟團
點知個團唔成,最尾就被逼跟台北旅行團
旅行社係美麗華旅運,
住o既係我最唔想住麒麟飯店
搭o既係我最唔鍾意o既華航

聽到我咁多唔想,就知我對今次旅程有幾咁"滿意"啦
先講華航,我係俾旅行社說
話華航o既service有幾好,野有幾好食
點知全部都係呃人o既
食我覺得長榮好食o的喎,service有差不多
以後,都係唔會揀華航

住o既麒麟,可能係因為我住慣西門町o的酒店
所以我覺得o的間都唔係咁方便
兼且o的間都幾舊,又有阿飄o既傳聞
所以感覺麻麻地
好彩,幾晚都係平安無事,
淨係聽到隔離房聲(?),同埋冷氣機成日響度嘈囉

彈完酒店,就完彈個領隊
我不介意你熱情同我地傾計
但我好mind係狂擦鞋囉,仲要係擦一o的我唔buyo既point
兼且做野有o的疏忽,夠膽寫錯班機資料落張入境表到
搞到我同阿媽俾關員問,尷尬到死

 

 



鬧完,講番行程
台北四天團
淨係跟左第一、第三日
去左以前無去過o既深坑豆腐街、小人國
兩度地方,都係去一次就夠
個人覺得豆腐唔係想像中咁好食
小人國又o的似深圳個個

 

買左成千幾蚊至於購物方面,因為跟團
所以預左俾人掠
今次買左罐綠茶粉,聽聞可以減肚腩
另買左貔貅,因為個度算命我話水多
要左火屬性貔貅補下話
佢仲話我係濫好人,今年會有戀愛機會
睇下點

至於自由活動時間就正好多
書展、書局街一日蒲晒
買左三十四本書
另外去埋光華,買左一堆日劇vcd
至於鳳梨酥,旅行社推薦港記
現場食係幾好食,但係拎到返香港好似keep唔到好耐
所以鳳梨酥還是食維格
不過港記有一樣野我都覺得幾好食
就係總統酥,綠茶餡,唔太甜
值得一試

結果,兩母女抬左兩個合共43.6kgo既篋返香港
塞爆左個書櫃,野多到食唔晒……

下次去台北,應該係年尾掛???

arrow
arrow
    全站熱搜

    ivyyik 發表在 痞客邦 留言(0) 人氣()