第二日行程:寶樹堂->玉石市場->長城居庸關->定陵->古越龍山宴->音樂劇功夫傳奇

六點鐘morning call,響酒店食左個凍冰冰o既早餐後
便於7:30出發
因為媽子要求(中旅社好就響度,有要求都會盡量安排)
所以第一站去左著名藥廠寶樹堂
即係生產寶膚靈的地方
因為受人所託
所以總共買左五罐藥膏
本來想博佢俾多少少贈品
但係,因為係公營,所以無o的回事
結果梗係無功而返啦


買番黎o既熊貓公仔之後去到玉器事場
聽佢講書
不過我一樣玉器都無買到
因為太貴
同埋都無乜用
淨係買左隻熊貓公仔陪瞓


長城之後就去左萬里長城-居庸關個到行
意料之內,我係行唔到去最高
因為我畏高,夾個到都幾斜
行左無三分之一,影左幾幅相就算
之後行左長城o既奧運精品館
諗住買富紀念幣俾老豆,點知出事
因為無check清楚,款紀念幣原來有兩個係重覆圖案
不過因為發現個陣已經離開左長城好遠
唯有俾導遊同埋領隊搞啦


定陵定陵展品-皇冠去完長城,就去左自費o既定陵
五大景點之一,不過個人覺得無乜特別
其實係明朝第十三個皇帝o既一個墳
可以睇下陪葬品同埋墓室咁
但係咁就一百蚊,好似唔係咁值囉


去完定陵,食左個無乜特別的古越龍山宴
就去左睇導遊推薦,又要自費o既音樂劇"功夫傳奇"
唔知係咪因為多鬼佬去睇
所以全程都係英文對話
配以中文字幕
鬼佬可能睇得好興奮
但係對於我呢o的睇功夫片大o既人
吸引力唔係咁大,仲覺得有少少悶


返到酒點已經過左九點
因為食得唔飽,所以落左去酒店附近食宵夜
食左永和大王,買豆漿同埋油條個o的
媽子買左牛肉面,我就食蔥油餅加蛋
配埋豆漿
都幾好食喎
而且價錢又唔貴,比起團包個o的餐好食好多

arrow
arrow
    全站熱搜

    ivyyik 發表在 痞客邦 留言(0) 人氣()