宅女日記

之前先寫過今個月要慳o的洗
結果轉個頭又破戒
今次響沙田區.....

不過,今次無洗咁多錢
都係千五蚊左右

首先個五百蚊係洗左響件線褸到
依家咪好興個隻長長地線或者冷褸
不嬲都諗住買一件,但係無睇啱款
結果今日見到啱心水
但係一睇價次,成495蚊
都猶豫左一陣,但係諗住都襟著
最後都係忍不住碌卡買左
之後個sales都sell左我好多野
雖然有o的都幾啱心水,不過都忍手唔買
因為今個月已經係赤字緊
距離24號仲有一個禮拜啊.....

點知,去到西田個商場
經過in shoes net,入去睇中左對型款鞋
又洗左五百蚊.....之後再睇中左對便鞋
加埋個sales sell一sell....咁又碌左成千蚊
又做埋vip,依家愈黎愈多vip卡響我銀包到
鬼叫我最頂唔住人地sell我,而自己又鐘意個款咩
結果....咪洗左成千五蚊番屯門

仲有,因為近排見到有一位同事摺得好開心
自己又忍唔到手買左一pack三角摺紙去玩
目標係隻倉鼠
希望我玩完今次便算,如果成為左興趣....又會洗一筆....

今個月幾時出糧呢....唉...................